«Нурул уйуун» китобининг тақдимот маросими бўлиб ўтди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.



Биз мусулмонлар учун сийрат илмининг аҳамияти ниҳоятда катта. Набий соллаллоҳу алайҳи васалламнинг муборак шахсиятлари ва ҳаётлари ҳақидаги маълумотларни билиш ҳар бир мусулмонга лозимдир. Умматга Расули акрам алайҳиссаломнинг шахсиятларини танитиш ва ҳаётларини ўргатиш мақсадида турли таълифотлар ёзилган, назмлар битилган, дарс ҳалқалари ташкиллаштирилган.


Яқинда ўзбекзабон халқимизга яна бир мўъжазгина

сийрат асарининг таржимаси бўлган  «Нурул-уйуун» – «Кўзларнинг нури» китоби тақдим қилинган эди.

Бугун, 16 май куни "Hilol nashr" матбаа нашриётининг мажлислар залида «Китобхонлик мактаби» лойиҳасининг навбатдаги сонида устоз Одинахон Муҳаммад Содиқ томонидан таржима қилинган мазкур китобнинг  тақдимоти бўлиб ўтди.


Ёзувчи Эркин Малик тақдимотни кириш сўзи билан очиб берди. Чирчиқ шаҳри "Марказий" жомеъ масжидининг бош имом-хатиби Обиджон Абдулғофур домла китоб ҳақида қизиқарли маълумотлар  сўзлади.


Бу асар Фатҳуддин Абулфатҳ Муҳаммад

ибн Муҳаммад ибн Муҳаммад ибн Аҳмад Яъмурий Андалусий Мусрийнинг қаламига мансуб бўлиб, «Нурул уйуун фи талхиси сийратил аминил маъмуни соллаллоҳу алайҳи васаллам»дир.


«Нурул-уйуун» китобидаги хабарлар ҳадислар асосида жамланган. Уламоларнинг таъкидлашича, мазкур  ҳадисларнинг аксари саҳиҳ мартабасидадир. Мана шу жиҳатдан бу китобни энг ишончли манбалардан дея оламиз. Китоб  мухтасар бўлиб, унда ҳадисда келган хабарлар билангина кифояланилган. Қисқа изоҳлар кифояланилган.  Китобхонларимиз, толиби илмларимизга уни ёд олиш осон бўлиши учун ўзбекча таржимаси билан бирга арабий матни ҳам берилган.


Тадбир сўнгида "Китобхонлик мактаби" лойиҳаси доирасида анъанавий савол-жавоблар бўлиб ўтди.  Ғолибларга таржимон, устоз Одинахон Муҳаммад Содиқ дастхат қўйган мазкур китоблардан ҳадя қилинди.


Сўнгра йиғилганлар устозамизга ўзларини қизиқтирган саволларини бериб, жавоб олдилар. Жумладан, ёзувчи Эркин Маликнинг "Пешқадам карвони" лойиҳаси ҳақидаги саволига устозамиз атрофлича жавоб бердилар.


Ушбу китоб сийрат илмини ўрганишни мақсад қилган илм аҳллари учун манфаатли манба сифатида хизмат қилади, деган умиддамиз.


Муаллиф
Мавзуга оид мақолалар
Индонезиялик журналист Марфуаҳ Панжи Астути хонимнинг юртимиз, хусусан, Самарқанд ҳақидаги Journey to Samarkandrdquo давоми...

03:00 / 21.01.2020 3877
Лондонлик 100 ёшли отахон Рамазонда қочқинлар шарафига ўз уйи атрофидаги боғни 100 марта айланиб чиқиб, хайрия давоми...

18:12 / 08.05.2020 4109
Буюк Британия Мусулмонлар Кенгаши Зара Муҳаммадни Буюк Британиядаги энг йирик мусулмонлар ташкилоти давоми...

01:28 / 02.02.2021 3872
Шайх Муҳаммад Содиқ Муҳаммад Юсуф роҳимаҳуллоҳ ҳаётларини ўқир экансиз, у кишининг болаликларидан давоми...

18:13 / 04-yanvar 1549