Ҳақиқий пешқадам аёл
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.



2018 йиллар эди, ўз соҳамда етук мутахассис бўлишим учун Ислом динини ўрганиб, Ислом тамойилларига асосланган психотерапия йўналишини қидириб, тополмай юрган пайтларим эди. Шу вақтлар биолог олим, укам Шайх Муҳаммад Содиқ Муҳаммад Юсуф роҳимаҳуллоҳ ҳазратларининг қизларига мурожаат этишни тавсия этди. Мен кўп ўйламай, muslimaat.uz сайтини фейсбукдаги саҳифасига хабар қолдирдим, аммо  жавоб бўлмади. Орада чет элга кетдим, у ердан ҳам  мурожаат этдим ва жавоб ололмадим. Асосийси, енгилмадим ва ёзавердим, охири канал админлари билан боғландим. Ниҳоят Одина опа билан кўришишга муваффақ бўлдим. У пайтда илмий иш бошлагандим.  Мен изланаётган мавзу юзасидан устоз қидираётган эдим. Биринчи марта кўришганим ёдимда, бошимда тюрбан, кийимларим ҳам шариатимизга мос эмас эди. Лекин мени ажаблантирган нарса, Одина опани толерант эканликлари, мени танқид қилмай (ўша пайтлари кийимларим юзасидан дин вакилларидан ва ҳижобли аёллардан фақат танқид эшитганим ёдимда), фақат дуо қилганликлари хотирамда муҳрланиб қолган. Хуллас, улардан керакли тавсияларни олиб, илмий ишни бошқа йўналишда бошлаб юбордим, Исломга интеграция қилишим учун ҳали ўзим кўп ўқишим кераклигини тушуниб етдим. Ўша йили таянч докторантурага кириб, 2021 йили муваффақиятли ҳимоя қилиб олдим. 2018 йилдан бери динимизни ўз соҳамга тегишли жиҳатларини чет элда ўргандим, ҳали ҳам малака оширишдан, динимизни ўрганишдан  тўхтаганим йўқ. Ва ишонч билан айтаманки, Одинахон Муҳаммад Содиқдек илмли, ҳақиқий пешқадам аёл сабабли бугун ўз соҳамни динга интеграция қилиб ўрганиб келмоқдаман, алҳамдулиллаҳ.   Жамиятимизда ҳақиқий жонкуяр пешқадам аёллар кўпайсин, «Пешқадам мактаби» аёллар ўқув маркази кўплаб аёл-қизларимизнинг мен каби тўғри йўлда илм олишига сабаб бўладиган ҳақиқий ПЕШҚАДАМЛАР МАСКАНИ бўлсин!

Барчамизга ҳақиқий пешқадам бўлиш насиб этсин,  азиз ўзбек аёллари, муҳтарама муслималар!


Гавҳар Тешабоева


Муаллиф
Мавзуга оид мақолалар
Иккинчи ҳикоя. Мен фарзандларимнинг ёшларига қараб, уч гуруҳга бўлганман. Биринчи гуруҳ фарзандларим боғчага ва мактабнинг бошланғич синфига боришади. Улар давоми...

12:23 / 27.08.2023 575
Хатмона 2016 Бугун 3 июнь санасида Хадичаи Кубро аёлқизлар билим юртида катта шодиёна битирувчи курсларнинг Хатмона тадбири бўлиб ўтди. Тадбир, аввало, Қуръони давоми...

03:04 / 06.03.2017 5866
КАЪБАГА ТЕНГДИР КЎНГИЛ Фарзандимга насиҳат Аллоҳга бўлсин сано, Пайғамбарга салавот Яратган амри билан Нур ёғдирсин самоват. «Кимки бир унутилган Суннатимга давоми...

12:26 / 19.03.2017 4334
Устозимиз Шайх Ҳазратларининг таъзияларида иштирок этаётиб, Расулуллоҳ соллаллоҳу алайҳи васалламнинг қуйидаги ҳадислари ёдимга келди. Абу Ҳурайра розияллоҳу давоми...

19:18 / 02.02.2017 9662