Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бир куни Шайх ҳазратларидан: "Ҳазрат, Муҳаммад Саъийд Рамазон Бутий роҳимаҳуллоҳнинг жума мавъизаларидан бир нечтасини қўлдан келганича таржима қилган эдим. Шу таржиманинг остига, албатта, Муҳаммад Саъийд Рамазон Бутий роҳимаҳуллоҳнинг исмларини ёздим. Охирида "фалончи таржимаси" дея исмимни ёзиб қўйсам бўладими?" деб сўрадим.
Шунда Шайх ҳазратлари табассум қилдилар ва: "Албатта, ёзасиз-да! Ахир Бутий роҳимаҳуллоҳ ўзбек тилида гапирмаганлар-ку!" дедилар.
Аллоҳ таоло ҳазратимизни Ўз раҳматига олсин, қолдирган илмларидан фойдаланишимизни насиб этсин!
Нозимжон Ҳошимжон
