“1 февраль – Бутунжаҳон ҳижоб куни”га бағишланган тадбир бўлиб ўтди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Шу йилнинг 31 январь  куни Қирғизистон Республикаси Ўш вилоятининг Ўш Драма театрида “1 февраль – Бутунжаҳон ҳижоб куни”га бағишланган тадбир бўлиб ўтди. Тадбир “Ummamag” исломий журнали ижодий жамоаси ва ҳомийлар ҳамкорлигида уюштирилди. Унда 2000 нафардан ортиқ муслималар ҳамда ҳижоб ўраш истагида юрган 100 нафарга яқин аёл-қизлар қатнашишди.

Қирғизстон мусулмонлар идорасининг раиси ўринбосари Қодир Маликов, Ўш вилояти қозиётининг аёллар вакиласи Жамила хоним, Қирғизистон мусулмон аёл-қизларининг ҳуқуқларини ҳимоячиси Жамол Фронтбек қизи, олимлар кенгашининг аъзоси шайх Садибақос Доолов, шоир Идрис Айтибаев, “Саййида Хадича” мадрасасининг мудираси Жанара хоним ва яна бошқа кўплаб муслима аёл-қизлар қатнашиб, мавъиза ва чиқишлар қилишди.

Викториналар, кўргазмалар, саҳна кўринишлари тадбирни янада қизиқарли ўтишига сабаб бўлди. Тадбир сўнгида ҳижоб ўрашга рағбати ва иштиёқи бор бўлган опа-сингилларимизга ҳомийлар тарафидан кўйлаклар ва рўмоллар тақдим этилди.

Таъкидлаш керакки, “Ummamag” исломий журналининг бош муҳаррири Элиана – Марям Саттарова “World Hijab Day”нинг Қирғизистондаги элчиси ҳисобланади. Қирғизстон Республикасида Бутунжаҳон ҳижоб куни 2017 йилдан бери нишонланиб келинмоқда.

Қирғизистондан Бибиражаб тайёрлади.

Мавзуга оид мақолалар
Жон Хопкинс номидаги Aмерика иқтидорли ёшлар маркази нигериялик Фарида Ойололуга Дунёнинг энг иқтидорли давоми...

06:53 / 25.08.2021 13468
Азон саси остида қолган осуда шаҳарни бир парча деразадан томоша қилар эканман, томоғимга аччиқ бир нарса давоми...

07:00 / 18.08.2020 3225
Аввал хабар қилганимиздек, шу йилнинг 15 февраль куни .Hilol nashr, мажлислар залида muslimaat.uz сайти ходималари давоми...

04:43 / 16.02.2020 5700
Хадичаи Кубро аёлқизлар ўрта махсус Ислом билим юрти раҳбари Ибрагимова Нозима Камилжановна Ўзбекистон давоми...

14:37 / 28.06.2019 3910