Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Мухтасар ҳанафий фиқҳи «Беҳишти зевар» #фиқҳ_дарслари Қудуқлар боби 

162-масала

Қудуққа қўй ёки сичқон тушиб кетиб, тириклигича чиқариб олинса, сув нажосат бўлмайди (агар баданида нажосат бўлмаса).

163-масала

Мушук тишлаб, жароҳатлаган сичқон қочиб, қудуққа тушиб кетса, сувнинг ҳаммаси чиқариб ташланади.

164-масала

Қудуққа бадани нажосатли сичқон тушса ҳам ундаги барча сув чиқариб ташланади.

165-масала

Агар сичқоннинг думи ёки қони оқувчи калтакесакнинг думи узилиб, сувга тушса ҳам барча сув чиқариб ташланади.

166-масала

Қудуққа нажас нарса тушса ва уни чиқариб ташлаш имконсиз бўлса, ўша нарсанинг сифатига қаралади. Бу нарса ўзи пок бўлиб, нажосатли кийим, оёқ кийим ёки тўп каби нажосат теккани учун нажасга айланган нарса бўлса, уни чиқариб ташлаш вожиб эмас. Бундай ҳолатда қудуқдаги сув чиқариб ташланса, покланади. Лекин ўша нарса ўлимтик каби аслида нажас бўлса, қудуқ ўша нажас нарсани ўзлаштириб, балчиқ ҳолига келгунича покланмай туради, сўнгра қудуқнинг барча суви чиқариб ташланади.

167-масала

Сув чиқариб ташлашда узлуксизлик шарт қилинмайди. Бироз сув чиқаргач, тўхтаб, кейин қолганини чиқариб ташлаш ҳам мумкин бўлиб, шунда ҳам қудуқ покланади.