Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

   Испаниянинг Каталониясида бўлиб ўтган ҳудудий сайловлар натижасига кўра, ҳижобли муслима илк бора парламентга сайланган. 12 чақириқ парламентга марокашлик 36 ёшли Нажат Дриуш сайланди. Ҳижобли муслима «сўл республикачилар» партияси рўйхати бўйича парламентга 10 рақам билан кирди. Дриуш икки фарзанднинг онаси ва шаҳар кенгашининг аъзоси, жамиятнинг интеграциялашуви бўйича ижтимоий хизматга ихтисослашган мутахассис, деб хабар беради IslamNews сайти Morocco World News га таяниб. «Яхши одам бўлиш учун ўқиш керак дейишганди, биз ўқидик. Кейин жамоат ишида қатнаш дейишди, қатнашяпмиз. Муаммо нимада?», – дейди Нажат исломофобия муаммоси ҳақида гапираркан. – Мен болаларим боболари ва момолари кечирган азобларни кўришини истамайман». Таъкидлаш жоиз, Каталонияда 515 000 мусулмон яшайди, улар аҳолининг 6,8 фоизини ташкил этади.