Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Тошкент Ислом институтида ажойиб мавлид бўлиб ўтди
Бугун 16 декабр куни Имом Бухорий номли Тошкент Ислом институтида севимли Пайғамбаримиз Муҳаммад соллаллоҳу алайҳи васалламнинг туғилган ойлари Рабиъул аввал муносабати билан мавлид маросими бўлиб ўтди.
Тадбир ўзига хос бўлиб, мавлиди шариф талаба қизлар томонидан “Муҳаммад соллаллоҳу алайҳи васалламга яқинлар” номли сийрат мусобақаси кўринишида намоён этилди.
“Нурул ъайн” (“Кўз нури”) ва “Саъбиқот” (“Пешқадамлар”) номлари остида институт талаба қизлари ўзаро тўрт шарт асосида беллашишди. Мазкур шартлар бевосита Расулуллоҳ соллаллоҳу алайҳи васаллам сийратларига боғлангандир ва севимли Пайғамбаримиз алайҳиссалом ҳақларида ўзига хос тарзда маълумот беради.
Мазкур ажойиб мавлид маросими йиғилганларда катта таассурот қолдирди.
Зуҳрахон ҲАМДАМОВА,
“muslimaat.uz” журналисти
