41. Сиз Пайғамбарни кўрганмисиз?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
41. Савол:
Расулуллоҳ соллаллоҳу алайҳи васаллам пайғамбар бўлганларидан кейин Аллоҳ таоло у зотни вафотларигача маъсум (яъни, катта ва кичик гуноҳлардан пок) сақлаганини яхши биламиз! Аммо пайғамбар бўлишларидан олдин ҳам Аллоҳ таоло у зотни катта ва кичик гуноҳлардан пок сақлаганми?
Жавоб: Ҳа. Муҳаммад алайҳиссалоту васаллом Аллоҳнинг ҳабиб пайғамбари, хос қули, олдинги шариатларини насх қилгувчи расули ва танлаб саралаб олган дўстидир. У зот пайғамбар бўлишларидан олдин ҳам, кейин ҳам бут санамларга ибодат қилмаганлар, бирон лаҳза Аллоҳга ширк келтирмаганлар ва ҳеч қачон катта ёки кичик гуноҳларни қилмаганлар.
