Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«Иннаа лиллааҳи ва иннаа илайҳи рожиъун».

Muslimaat.uz сайти ва Bintu Sodiq маърифий канали ижодий жамоаси каналларимизда кўп йиллар давомида фаолият юритиб келган Назокатхон Қосимовага  волидаи муҳтарамалари вафоти муносабати билан  чуқур таъзия изҳор этади.

Аллоҳ таоло Ўзининг ҳузурига кузатилаётган бу марҳумани мағфират қилсин, жаннатларидан жой ато этсин, бу дунёда қилган барча солиҳ амалларини ўзларига ҳамроҳ қилиб, ҳусни қабул айласин.

Аллоҳ таоло марҳуманинг яқинлари, аҳли оиласи, фарзанду аржумандларига чиройли сабр бериб, бу мусибатларининг ўрнини ажру мукофот билан тўлдирсин, салавоту раҳматларидан ато этсин.

«Улар ўзларига мусибат етганда «Албатта, биз Аллоҳникимиз ва албатта, биз Унга қайтувчимиз», дейдиганлардир. Уларга Роббларидан салавотлар ва раҳмат бордир. Ана ўшалар ҳақиқий ҳидоят топганлардир».