Ассалому алайкум! Яқинда бурун операциясини ўтказдим. Авваламбор дуоингизга мухтожман. (Ўтган гал сиздан дуо олиб, ижобатини кўрдим, катта раҳмат, Аллоҳ рози бўлсин)
Менга маълум вақт бурунни қоқиш мумкин эмас экан, фақат шўр сувни шприцда ичкарига юбориб ювиш керак экан. таҳорат ва ғусл пайти шундай қилиб турсам тўғрими? таҳоратда уч марта шприцда сув жўнатяпман, ғуслда кўпроқ сув юбориб ачишишини кутяпман.
лекин рўза пайти бундай қилсам очилиб кетади, тўғрими? шу учун таҳорат пайти бурнимнинг устини ювиб қўйяпман. бу жоизми?
яна шифокор ёғ томизишни ҳам буюрганди, лекин бунда томоғимга кетиб қолади. шунинг учун пахтага ёғни шимдириб, бурун ичига ишқалаб турса рўза очилиб кетмайдими?
Менга вақт ажратганингиз учун чексиз миннатдорман. Аллоҳ мукофотласин!
– Ва алайкум ассалом! Бу нарсалар ичингизга кетиб қолмаслиги керак. Рўзадор ҳолингизда қилмай туринг, ифтордан кейин қилинг. Таҳорат пайти устидан ёки енгил ювиб турсангиз кифоя. Аллоҳ шифои комил берсин. Валлоҳу аълам!
