Ассалому алайкум! Аллоҳга шукур, намозга кирганимга 2 йилча бўлди. Биз қишлоқда яшаймиз. Тўйимиз бўлганига 16 йил бўлди. Бахтиёр оила китобини ўкиб билдимки, никоҳда 2 эркак ёки 1 эркак ва 2 аёл гувоҳ бўлиши керак экан. Никоҳимизда нечта гувоҳ бўлганини юзим ёпиқ бўлгани учун эслай олмадим. Ҳўжайиним ҳам тўлиқ эслай олмадилар. Қайнонам ва мулланинг бор бўлганлари аниқ. Гувоҳ кам бўлиб никоҳимиз боғланмаганми деган шубҳа пайдо бўлди. Шундай ҳолатда қайта никоҳ ўкитсак бўладими? Агар биз адашган ва гувоҳлар сони етарли бўлиб никоҳимиз боғланган бўлса, қайта никоҳнинг зарари йўқми?
– Ва алайкум ассалом! Ҳеч аниқлаш имкони бўлмаса, қайта ўқитиш жоиз. Қайта ўқитишнинг зарари йўқ. Валлоҳу аълам!
