Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Рамазон
Келаётган меҳмонлар ичра,
Энг қутлуғи бўлсин Рамазон.
Саҳарлигу ифторликда
Масжидларда янграсин азон.
Аллоҳ бизни севганлиги рост,
Рамазонни берганлиги рост.
Бахт қушимиз келганлиги рост,
Иймон боғи бўлмасин ҳазон.
Садоқатдан гапир бу ойда,
Шафоатдан гапир бу ойда.
Ибодатдан гапир бу ойда,
Жаннат йўли шунчалар арзон.
Бундан ортиқ байрам бўлмайди,
Роббим бизни қуруқ қўймайди.
Ибодатли гул ҳеч сўнмайди,
Қутлуғ бўлсин, қутлуғ Рамазон!
