Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Мусулмонларнинг Лондондаги гуруҳи «Шариат» лойиҳаси жума куни Брик Лайн кўчаси бўйлаб ичкиликнинг тунги вақтда сотилиши ва ароқҳўрликка қарши юриш уюштирмоқчилар. Гуруҳ аъзоларининг таъкидлашича, спиртли ичимликларни истеъмол қилиш ёки уларни сотиш Ислом аҳкомлари бўйича гуноҳ бўлиб, қатъиян ман этилиши лозимдир.

Кейинги жума кунининг иккинчи ярмига режалаштирилган ҳаракат эса хамрнинг ёмон эканини яна бир бор тасдиқлайди, деб ният қилишади гуруҳ вакиллари. Гуруҳнинг оммавий ишлар бўйича котиби Абу Румайса : «Хамрни истеъмол қилиш, аҳлоқ-одоб қоидаларининг бузилиши ва шу каби бир қанча муаммоларни келтириб чиқаради. Ачинарлиси шуки, баъзан мусулмонлар ҳам ўз дўконларида ичкилик сотяптилар» , дейди. «Мусулмон бўлмаган одам ўзи учун жаҳаннам йўлини танлагандир. Хамр ичувчи ва уни сотувчини тавба қилиб, бу йўлдан қайтса, Аллоҳ кечиради» , деб қўшимча қилди у. Дўконлардан бирининг эгаси бўлмиш Абдул Муҳид шундай дейди: «(У Ислом гуруҳига , хамр истеъмол қилинилиши туман даражаси миқёсида муаммо деб қабул қилинганидан сўнг қўшилган) Мусулмонлик бурчим одамларни хамрнинг фалокатли оқибатларидан хабардор қилишдир. Ислом таълимотида хамр истеъмоли ва уни сотиш ҳаромдир».

Қиллиям гуруҳининг аъзоси доктор Усома Ҳасаннинг айтишича, Ислом таълимотида хамрни истеъмол қилиш тақиқланган, аммо Ислом қонунларини бошқаларга зўрлаб ўтказиш тўғри эмас. Бу демократия эмас. Брик Лайн кўчаси 1990 йилларнинг охиридан бери Лондоннинг машҳур тунги клублари маконига айланган.

Митинг-юриш Осборн кўчасида бошланиб, Брик Лайн кўчаси бўйлаб давом этади.

«IBTimes»дан олинди.