Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Махрома ибн Букайрдан, у киши отасидан ривоят қилади:

«У киши Абдуллоҳ ибн Жаъфар Амр ибн Абу Саламанинг икки ёшли қизчаси Зайнабни ўпганини кўрган». Шарҳ: Демак, кичкина қизчаларни эркалатиб, кўтариб, ўпиб, яхши кўриш, хурсанд қилиш, кўнглини кўтариш мумкин экан.

Ҳасан розияллоҳу анҳудан ривоят қилинади: «Биронта аёлнинг ҳатто сочига ҳам назар солишдан эҳтиёт бўла олсанг, шуни қил. Илло ўз аҳлинг ёки кичкина қизча бўлса, майли». Шарҳ: Демак, ўз аҳлидан бўлган аёлга ёки кичкина қизчага қараса бўлади, бироқ бегона аёлнинг сочига ҳам қараш мумкин эмас.