Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Камтарлик гўзал хислат бўлиб, инсонларни ўзаро муҳаббатли бўлишига сабаб бўлади, нафс поклиги ва табиат саломатлигига далолат қилади. Камтарлик қанчадан-қанча инсонларни кўтарган ва улар муваффақиятга эришганлар. Кибр қанчадан-қанча инсонларни пастга туширган ва уларга Раҳмоннинг ғазаби тушган, очиқ-ойдин зарарга дуч келган.

Аллоҳ таоло марҳамат қилади: “Раҳмоннинг бандалари ер юзида тавозуъ ила юрадиган ва жоҳиллар хитоб қилганида, «салом», дейдиганлардир” (Фурқон сураси, 63-оят).

Аллоҳ таоло яна марҳамат қилади: “Ўша охират диёрини Биз ер юзида такаббурлик ва бузғунчиликни истамайдиганлар учун қилурмиз. Оқибат тақводорларникидир” (Қасос сураси, 83-оят).

Пайғамбаримиз соллаллоҳу алайҳи васаллам: “Ким камтарлик қилган бўлса, Аллоҳ таоло уни кўтаради”, дедилар.

Доктор Ҳассон Шамсийнинг  "Бахт улашинг" китобидан

Раҳматуллоҳ Махсумхонов  таржимаси