ДУНЁ МУСЛИМАЛАРИ
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Фитрия Муҳаммад – 2020 йилнинг энг яхши спорт менежери

Фитрия Муҳаммад 10 ёшида Эфиопиядан АҚШга келган. У ёшлигидан спорт мураббийсининг дарсига ўзгача иштиёқ билан қатнашарди. Айниқса у баскетбол ўйнашни яхши кўрарди.  Фитрия Муҳаммад шундай ҳикоя қилади:  "Мактабимизда спорт мураббийси баскетбол ўйнамаган қизларни ўйинда ўзларини бир синаб кўришга ундади. Мен ҳам ўйнадим. Менга омад кулиб боқди. Агар мураббий шундай имконият бермаганида, мен баскетбол ўйнашга журъатим етмаган ва спортда бундай муваффақиятларга эришмаган бўлардим..."

Фитрия Муҳаммад спорт мураббийси Грег Броманга ўзи ҳақидаги тушунчасини ўзгартиргани учун миннатдорчилик билдиради.  У мактабни битирган йили мактабда “Йилнинг энг яхши спортчиси”  номига сазовор бўлган.

2015 йили Фитрия Муҳаммад Сент-Катаринс шаҳридаги  (Канада)  Брока Университетида спорт менежменти бўйича ўқишни бошлади.  У курсда ҳижоб кийган ягона қора танли аёл эди.

2019 йили у университетни тугатгач, муслима аёлларнинг спорт соҳасидаги фаолиятини ривожлантириш учун “Муслима аёллар баскетбол лигаси”ни ташкил этди. Шунингдек, Фитрия муслима аёлларнинг ҳам турли спорт турлари билан шуғулланишлари ва бу борада муваффақиятга эришишда кўплаб режа ва мақсадлари борлигини таъкидлайди.

Машҳур “Sunday Times” газетаси Фитрия Муҳаммадни “2020 йилнинг энг яхши спорт менежери” деб топди.

Ummamagkg  манбаси асосида Бибиражаб тайёрлади.

Мавзуга оид мақолалар
57 ёшли Валентин Юдашкин Қозонда quotРоссия Ислом дунёси Kazansummitquot саммити доирасида бўлиб ўтадиган Ислом мода давоми...

02:16 / 10.04.2021 6023
Дунё мамлакатларида COVID19 пандемияси муносабати билан амалдаги чекловлар туфайли Бутунжаҳон ҳижоб кунига давоми...

20:21 / 28.01.2021 2794
Тошкент ислом институтида Февраль ndash Қуръон қироати ва илмлари фан ойлигиrdquo деб эълон қилинган. Шу давоми...

23:31 / 17-fevral 410
Ассалому алайкум ва роҳматуллоҳи ва барокатуҳАзиз опасингиллар Muslimaat.uz сайти қошида муборак Рамазон ҳайити давоми...

03:14 / 28.03.2023 1744