Қизлар
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.



Дадажон дейди яйратиб дилни,

Ортда қолдирар меҳрда ўғилни.

Кетса ҳам бир кун пойлатиб йўлни,

Қизлар отага меҳрибон бўлади.


Кўрмасам дейди кўзимда ҳеч нам,

Ҳеч қилманг дейди отажон сиз ғам.

Кам кўрмайин лек онасини ҳам,

Қизлар отага меҳрибон бўлади.


Хизматга эрур ҳамиша у шай,

Қизим десам дер: "Отажон, лаббай".

Айта оламан ҳеч иккиланмай:

Қизлар отага меҳрибон бўлади.


Ўғил ҳам суяр албатта дилда,

Отага қувват кўпроқ ўғил-да.

Ёрдами бўлиб қўлда ва тилда,

Қизлар отага меҳрибон бўлади.


Унутмай меҳр бер сен, жоним қизим,

Номусим ўзинг, шоним сен қизим.

Жаннатга элтар имконим қизим,

Қизлар отага меҳрибон бўлади.


Ғиёсиддин Юсуф

@muslimaatuz

Мавзуга оид мақолалар
Маст қилувчи ичимликларни истеъмол қилишлик ҳомила бўлажак фарзанд учун жуда хавфли. Вашингтон давоми...

10:53 / 29.11.2016 3803
Ўзбекистон Республикаси Вазирлар Маҳкамаси қошидаги дин ишлари бўйича матбуот хизмати маълумотига кўра, давоми...

15:45 / 26.12.2016 3281
Анбиё ва расулларга иймон Бизларга Аллоҳ таоло Ўз китобида номларини зикр қилган пайғамбарларга иймон давоми...

13:51 / 08.11.2016 4261