Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«Ҳар бир жон ўлимни тотгувчидир»  (Анбиё сураси, 35-оят)

Ҳа, ўлим ҳақ, ўлим ёш танламайди. 2019 йилнинг 29 декабрь куни muslimaat.uz сайтида бир неча йил фаолият олиб борган  Гулбаҳор Абдуллоҳнинг жигарбанди айни навқирон ёшида бу оламни тарк этди.

Muslimaat.uz сайти жамоаси ўғлининг вафоти муносабати билан Гулбаҳор Абдуллоҳга, у кишининг турмуш ўртоғига ва барча оила аъзоларига, яқинларига чуқур таъзия изҳор қилади.

Аллоҳ таоло Ўзининг Каломида мусибатзада мўминларни мадҳ қилиб, уларга ваъда қилган ажру мукофотларини шундай баён қилади:

«Улар ўзларига мусибат етганда «Албатта, биз Аллоҳникимиз ва албатта, биз Унга қайтувчимиз», дейдиганлардир. Уларга Роббларидан салавотлар ва раҳмат бордир. Ана ўшалар ҳақиқий ҳидоят топганлардир».

Парвардигоримиз оғир жудоликка учраган оила аҳлига сабру жамил бериб, салавоту раҳматларидан ато этсин.