Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ таоло Қуръони каримда ойни “нур сочгувчи ой” (قمرا منيرا) деб васфлади.
Қуёшга эса “шуъла таратгувчи чироқ” (سراجا وهاجا) дея таъриф берди.
Ўзининг Ҳабиби соллаллоҳу алайҳи васаллам ҳақларида эса: “Ва Ўз изни ила Аллоҳга даъват қилгувчи ҳамда нурли чироқ қилиб юбордик”, (سراجا منيرا) деб марҳамат қилди.
Яъни, Аллоҳ таоло жамоли ва жалолини тугал қилиш учун, зиё ва нур бирлашиб, бутун оламни чароғон қилгани учун У зотда бу икки васфни жамлади.

Соллаллоҳу алайҳи васаллам!