Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Перт шаҳрида бошланган ушбу мусулмон фильмлари форумида мамлакатдаги ва бутун дунёдаги мусулмонларнинг ҳаёти ҳақида суратга олинган 60 та фильм намойиши бўлиб ўтади. Ташкилотчиларнинг таъкидлашларича, ушбу фестивал Австралияда биринчи марта ўтказилмоқда. Фестивал дастури доирасида фильмларнинг тақдимотлари Перт ва Мелбурн шаҳарларида бўлиб ўтади. Фильмлар намойишига 1000 тагача томошабин ташриф буюриши кутилмоқда.
Шуниси эътиборга лойиқки, фестивалдаги танлов иштирокчилари - кинорежиссёрлар орасида нафақат мусулмонлар, балки бошқа дин вакиллари ҳам бор. Улар ўз кинокартиналарида мусулмон жамиятлари маданияти, исломофобия, ирқчилик ва бошқа шу каби ҳолатларни ёритганлар.
