“Жўйбори Калон” аёл-қизлар Ислом билим юртида жаноза одобларига бағишланган ўзига хос тадбир бўлиб ўтди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

29 октябрь 2018 йил санасида “Жўйбори Калон” аёл-қизлар Ислом билим юртида «Октябрь – фиқҳ фани ойлиги» муносабати билан илм мажлиси бўлиб ўтди.

Мазкур тадбирнинг асосий мавзуси жаноза одоблари тўғрисида бўлди. Бу мавзунинг танланишидан мақсад шариат кўрсатмаларига мувофиқ маййитни ювиш ва кафанлаш, жанозадаги бидъатларга раддиялар бериш эди.

Ушбу илм мажлисига фиқҳ фани мударрисаси Ҳ.Ҳалимова бошчилик қилди ва талаба қизлар мавзуни саҳна кўринишлари ва видео-лавҳалар орқали ёритиб беришди.

Шунингдек, иштирокчилар мазҳаббошимиз имом Абу Ҳанифа ҳаётларидан ҳам кичик саҳна кўринишлари ижро этишди ва у кишининг ҳаётларидан сўзлаб беришди.

Маййитга қилинадиган биринчи ишлар ва уни ювиш ҳақидаги видео-лавҳалар барчанинг бу борадаги билим савиясини янада кўтарди, десак, муболаға бўлмайди. Ғассолликнинг шартлари ҳақида ҳам маълумотлар санаб ўтилди. Шу билан бирга кафанлик мато тўғрисида талабалар томонидан бир неча ҳадислар айтилди ва кафанлаш жараёни жонли кўрсатиб берилди.

Тадбир сўнггида мавзуга оид савол-жавоблар билан талабалар билимлари синаб кўрилди ва фаол иштирокчилар муносиб ҳадялар билан тақдирландилар.

Жўйбори Калон аёл-қизлар Ислом билим юрти талабаси

Шодия Усмон қизи хабар берди.

Мавзуга оид мақолалар
Дунёда ўз бизнесини очаётган аёлларнинг сони тобора кўпаймоқда. Улар тадбиркорликда фаоллашишмоқда. давоми...

22:59 / 17.11.2020 3498
Эрон оғир атлетика федерацияси иккита оғир атлетикачи муслималар ndash Элҳам Хоссейни ва Ҳафиз Гашгайни давоми...

00:18 / 10.08.2020 3939
Muslimaat.uz сайти қошида аёлқизлар ўртасида гўзал салавоту нашидлар ижро соҳибаларини аниқлаш мақсадида бу йил давоми...

02:11 / 19.06.2020 4544
Бугун, 3 март куни Самарқанд шаҳрида Имом Абу Мансур Мотуридий ва мотуридия таълимоти ўтмиш ва бугунrdquo давоми...

06:47 / 04.03.2020 4350