Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

           Чет давлатга ишлагани кетган грузиялик аёл янги ватанлик бўлди. Бир неча йиллар ишлагач, Исмоил Миннет исмли мусулмон кишига турмушга чиқди ва Исломни қабул қилишга аҳд қилди. Муфтиятда бўлиб ўтган тантанали маросимдан сўнг 56 яшар Мария исмини Марямга ўзгартирди.

Шаҳодат калимасини қайтаргач, мусулмонликни янги қабул қилган аёл муфтий Басри Бекташ ва турмуш ўртоғига: «Аллоҳ ягонадир, мен Исломда тинчликни, хотиржамликни топдим. Алҳамдулиллаҳ, янги ҳаётни, бахтли ҳаётни бошлаяпман!» дея эътироф қилди.

«Исломни қабул қилишлик кишининг аввалги гуноҳларини ўчиради, худди онадан янги туғилган чақалоқдек ҳаётини янги саҳифадан бошлайди. Мана ҳозир диндаги синглимиз ўзининг Исломдаги илк қадамларини қўймоқда. Илоҳим, дунё-ю охиратда яхшиликларга муяссар бўлсин, Аллоҳ уни ҳақ йўлига тўғрилаб қўйсин. Янги муслимамиз Марямга бахт тилайман», деди муфтий.

Бир маромда ҳаёт кечирувчи ҳамқишлоқлари Марямга Ислом асослари-ю тўғри ибодат қилишни ўргатиб, шунингдек, дўстона қўшничилик муносабатларини кўрсатишмоқда. Турмуш ўртоғининг ёрдами билан Қуръон ва намоз ўқишни ўргана бошлади.