Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сўрадим сариқ гулдан...

Сўрадим сариқ гулдан:

Ота-онанг бормидур?

Чечак айтур: Дарвеш бобо,

Ота-онам тупроқдур!

Сўрадим яна гулдан:

Боланг, ининг бормидур?

Чечак айтур: Дарвеш бобо,

Болам, иним – япроқдур!

Сўрадим сариқ гулдан:

Нега юзинг сариқдур?

Чечак айтур: Дарвеш бобо,

Ўлим бизга яқиндур!..

Сўрадим сариқ гулдан:

Сизга ўлим бормидур?

Чечак айтур: Дарвеш бобо,

Ўлимсиз ер бормидур?!

Сўрадим яна гулдан:

Нега бўйинг эгридур?

Чечак айтур: Дарвеш бобо,

Кўнглим Ҳаққа тўғридур!

Сўрадим яна ундан:

Сен кимнинг умматисан?

Чечак айтур: Дарвеш бобо,

Муҳаммад умматиман!

Сўрадим сариқ гулдан:

Сен мени билурмисан?

Чечак айтур: Дарвеш бобо,

Сен Юнус эмасмисан?..

Ҳақ, ла илаҳа иллаллоҳ,

Аллоҳ, ла илаҳа иллаллоҳ!

Гулбаҳор АБДУЛЛОҲ таржимаси