Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳозир шамоллашлар мавсуми бошланди. Кўпчилик тумов, томоқдаги оғриқ ва бош оғриғидан ҳамда шу касалликлар билан боғлиқ бошқа асоратлардан қийналишмоқда. Бир томондан қараганда инсон батамом касал бўлмаганга ўхшайди, ишга бориш керак-ку. Иккинчи томондан ишлаш суръати паст ва умуман ишлаб бўлмайдиган даражада... Зеро, енгил шаклда бўлса ҳам, бу «майда» асоратлар, албатта, касалликнинг айнан ўзи.

Хўш, бундай ҳолда ишга бориши керак бўлган ишчи ходим нима қилиши керак?

Сизга куч-қувватни бахш этадиган, касаллик асоратларини тез йўқотадиган, сизга нафақат ишда ўзингизни осойишта сезадиган, балки мутлақо тузалиб кетишингизга ёрдам берадиган, жуда фойдали ичимликни тавсия қиламиз.

Уни уй шароитида ўзингиз жуда оддий усул билан, ҳатто дорихонага ташриф буюрмасдан тайёрласангиз бўлади.

Бунинг учун қуйидагилар керак бўлади:

1. 1 та апельсин, 2. 1 та грейпфрукт, 3. 1 та лимон, 4. 1 та саримсоқ бўлаги, 5. Занжабил илдизидан 3-4 см, (имбир-занжабил порошогини ҳам қўшса бўлади )ни. 6. Зайтун ёғидан 1,5 ош қошиқ.

► Тайёрлаш усули:

Лимон, апельсин ва грейпфруктни шарбатини сиқиб чиқариш керак. (Дастлаб арчиб тозаланган) Занжабил илдизини майдалаб, унга қўшиб, сўнг саримсоқни эзиб қўшилади ва зайтун ёғини ҳам қўшиб, яхшилаб аралаштириб, нонуштадан сўнг бирдан ичиш керак.

Занжабил ҳисобига ичимлик танага қувват бериб, саримсоқ ва С витамини инфекция билан курашади, куч-қувватни цитрус меваларидаги биофлаваноидлар билан тиклаб ҳамда организм ҳужайраларини зайтун ёғлари воситасида муҳофаза қилади. Ёғнинг яна қўшимча фойдали томони у ичимликни юмшатади.

Ичимликни бирданига ичиш яхшироқдир. Сабаби – бу хўрранданинг мазасини татиб ичадиган таоми эмас, балки шифобахш ичимликдир.

Рус тилидан Умму Абдулазиз таржимаси