Аллоҳ таолонинг инояти ила муслимат.уз сайтининг вакиласи Оминахон бу йилги ҳаж ибодатини адо қилиш учун падари бузуруклари Шайх Муҳаммад Содиқ Муҳаммад Юсуф ҳазратлари ва волидаи меҳрибонлари Фотима ҳожи ая хонимлар билан бирга муқаддас ерларга етиб келди. Оминахон ҳозирда муслимат.уз сайтидаги опа-сингиллари ва дугоналари учун фоторепортажлар юбориб туришни ният қилган. Аллоҳ хоҳласа, ҳаж сафари таасуротларини кейнчалик тақдим қилмоқчи.
Эътиборингизга Оминахон тайёрлаган дастлабки фотоларни ҳавола қиламиз:
Мадина манзаралари
Муслималар масжиди набавийда
масжид набавий
Пайғамбаримиз зиёратларида
Румад тоғи
Ҳазрати Ҳамза ва шуҳадолар қабристони зиёрати
Уҳуд
Масжид қиблатайн
7 масжид
Қубо масжиди
Мадина ва Макка йўллари
Минода ҳожиларни кутиб олиш учун тайёргарликлар кетмоқда
Ушбу кунлари мўъмин бандалар йилнинг кундуз кунларининг энг фазийлатли ўн кунини яшамоқдалар. Зотан Зулҳижжа ойининг биринчи ўн куни Аллоҳ таоло томонидан ана шундай фазийлатли этилгандир. Бу кунларда қилинадиган ҳар бир яхши амалнинг ажри кўпайтириб берилади. Шунинг учун ҳам, ҳожилар кўпроқ ибодатга ўзини урадилар. Кеча Масжидул Ҳаромга бориш учун бизга ажратилган авто уловдан тунел олдида тушишга мажбур бўлдик. Сўнг иккита тунелдан пиёда ўтиб бориб шом намозига зўрға улгирдик. Одам кўплигидан намозни ташқарида ўқидик. Одам зичлигидан ҳар бир қадам қўйиш учун бир қанча уриниш керак бўлди. Олти соат чамаси ҳарамда бўлдик.
Бу соатларнинг ҳар лаҳзаси умрга татугулик. Ҳарамда кўрган ҳар бир нарса катта ибрат. Шу ёшгача жаноза намозини эшитар эдиму кўрмаган эдим. Бу ерда ҳар намоздан сўнг жаноза намози албатта бўлади. Шом намозидан кейин жаноза намози ўқидик. Сўнгра олдимиздан маййитларни олиб ўтишди. Бешта экан. Бу ҳолни биринчи марта кўрганим учун жуда ҳам таъсирландим. Маййитлардан учтаси эҳромда экан. Беихтиёр кўзимга ёш келди. Қандай чиройли ўлим. Аллоҳ уларни ҳам, бизни ҳам мағфират қилсин!
Қайтишимизда бизнинг автоуловимиз ҳарамга яқин жойга келиб унга чиқдик. Сўнгра Аллоҳга шукрлар қилиб турар жойимизга қайтдик. Аллоҳ жалла жалолуҳу ихлос билан қилган ибодат ва дуоларимизни қабул айласин!
Дуо ва саломлар билан Оминахон.
