1969 йили “Макияж қирол”ларидан бири ҳайвонот боғида дўсти билан сайр қилиб юрарди. Унинг дўсти маймуннинг бўйнида ҳаво ранг, жигар ранг, яшил рангларни кўриб қолди. У маймунларга ишора қилиб, кулгудан ўлай деди, шунда “Макияж қироли” унга қараб: “нима дейсан 1970 йилда шу кўринишни аёлларга ўтказсак?” Дўсти ҳайратланиб: “Буни иложи борми? Қайси аёл буни қабул қиларкин?!” Шунда Кутюрье жавоб берди: “мен буни шундай уюштириманки, аёллар бу кўриниш учун тилларини осилтириб югуришади”. Улар гаров ўйнашди.

Сўнг барча оммавий ахборот воситаларида, аёллар жўрналларида катта рекламалар берила борди. 1970 йил ўтмасдан аёлларнинг бўйинларида рангли камалаклар пайдо бўлди ва Кутюрье гаровда ютди.

Азиз муслима – синглим! Дарҳақиқат, замонавий алдовчилар, йўлдан оздирувчилар жуда кўп. Йўлдан озишнинг ашаддий замонавий услублари мода кетидан қувиш, сунъий гўзалликка интилишдир. Аҳир, пайғамбаримиз (с.а.в.) : “аёл кишининг ўзи йўлдан оздиришга сабаб бўлувчиларнинг каттаси ҳисобланади”,- деганлар. Зарр ибн Хубайш айтади: “Аллоҳ таоло аёлни яратганида Иблис аёлга деди: сен менинг элчимдирсан, сен менинг армиямнинг ярмисан, сен менинг яширин жойимсан, сен менинг нишонга беҳато урадиган ўқимдирсан”.

Ўтган асрнинг бошлари “Аёлларнинг озодлиги ” шиори остида ўтди. Ёвуз кучлар халқларни айнитиш, эркакларни йўлдан уриш учун бундан яхшироқ иш йўқлигини билишарди. Улар бунга барча йўллар билан эришмоқчи бўлдилар.

Иқтисодий эркинлик шиори остида , унинг ҳақ-ҳуқуқларини қайтариш шиори остида, уни саводини чиқариш ва иш билан таъминлаш шиори остида чиқдилар. Асосий уни кўчага чиқариш, чиқарганда ҳам ярим ялонғоч ҳолда чиқариш. Агар у ёпиниб, ўраниб чиқса, ҳаёсини сақлаган ҳолда чиқса, бундан фойда йўқ. Чунки бу билан инсониятни йўлдан оздириш мумкин эмас. Аёл киши эркакларни васваса қилувчи ва ўзига мафтун қилувчи бўлиши керак.

Аммо бунга қайси йўл билан эришилади?

“Йўл”- бу мавжуд бўлган барча усулларни ишга солиб оммага ёйиш. Бу мавзуни ёзувчи- шоирлар, журналистлар ёритаверсинлар.

“Йўл”-бу кинематорграф...фоҳишаликка чақирувчи кинолар олишаверсин.

“Йўл”-бу радио ва телевидение... махсус журналлар.

“Йўл”-гўзаллик салонлари. Косметикани ишлаб чиқариш.

“Йўл”-бу жамиятда мафтункор аёлсиз маъносиз ҳаётни яратиш

Ва бу кўпгина мамлактларда ўз самарасини берди. У нималарга олиб келди?

Бу саволга ўзингиз жавоб топиб кўринг.

Эй, ақли расо муслима синглим, Аллоҳдан қўрқиб, шайтон ҳамда унинг инс ва жинслардан, инсонлардан бўлган армиясининг қўлида ўйинчоқ бўлма. Сенинг имоннинг жамиятни тўғрилайди, сенинг ишончинг ёввуз кучларни мақсадини чиппакка чиқаради.

Ҳозирги кунда аёллар ҳаддан кўп косметика ва макияжга эътибор қаратишади. Мен ўзимни пластикдан ясалган, ҳеч қандай қийматга эга бўлмаган, фақатгина яхши кўриниш ва харакати мавжуд бўлган болаларнинг қўғирчоғига ўхшаш чиройли суръат каби бўлишликка розилик беришни камситиш деб ҳисоблардим.

Аёл киши ўзининг фақат ташқи кўринишига эътибор беришлигини жавонга ўхшатса бўлади. Жавоннинг сенга силлиқ эшиклари, чизиқларининг чиройи, ундаги ёрқин кўзгу, ушлагичларининг бежиримлиги ёқади. Лекин уни очсанг, унда ҳеч нима топа олмайсан. Унинг қиймати ташқи кўринишидадир.

Ўзиниг ички дунёсига, имонига, тақвосига эътибор берадиган аёл ҳар хил зархаллар билан безатилмаган, эшиклари оддий, ушлагичлари арзон бўлган жавонга ўхшатилади. Уни очсанг, ичи тўла дури-жавоҳирларни топасан. Ҳақиқат ҳам айнан шунда.

Пайғамбар хонадонидаги

намуналар

Тирикликда ҳам вафот этгандан кейин ҳам

эр-хотинлик ҳақларига риоя қилиш

Оиша розиёллоҳу анҳодан: «Мен Набий саллолоҳу алайҳи ва саллам аёллари ичида Ҳадича розиёллоҳу анҳога гарчи у кишини кўрмаган бўлсам ҳам рашк қилганимчалик биронтасига рашк қилмаганман. Чунки Набий саллолоҳу алайҳи ва саллам уни кўп эслардилар. Агар қўй сўйсалар, уни бўлакларга бўлар, сўнг Ҳадичанинг дугоналарига ҳам жўнатар эдилар.

Бир куни мен Росулуллоҳ саллолоҳу алайҳи ва салламга “Гўё дунёда Ҳадичадан бўлак аёл йўқдай!”- деган эдим, Росулуллоҳ саллолоҳу алайҳи ва саллам: «Ҳа, (дунёда) Ҳадичадек аёл бўлмаган! У жуда ажойиб эди. Ундан фарзандларим ҳам бор»,- дедилар.

Ҳадисдан олинган сабоқлар

1) Ҳадисда Набий саллолоҳу алайҳи ва салламнинг олийжаноб хислатлари, гўзал сифатлари, ҳалимлиги ва аёлларига нисбатан -вафот этиб кетган бўлса ҳам- муҳаббати ҳамда ўша аёлидан кўрган яҳшиликларини унутмаганлиги зикр қилинган.

2) Ҳадисда Ҳадича розиёллоҳу анҳонинг фазли ва у муҳтараманинг Набий саллолоҳу алайҳи ва салламга қанчалик азиз ҳам суюкли бўлганликлари баён этилган.

3) Киши аёлининг қадр-қиммматини тириклигида ҳам вафот этгандан кейин ҳам унутмаслиги лозим.

Росулуллоҳ саллолоҳу алайҳи ва салламдедилар: «Сизларнинг энг яхшингиз ўз оиласига яхши муомалада бўлганганингиздир. Мен эса сизларнинг орангиздаги ўз оиласига энг яхши муомала қилгувчи кишиман.[1]

4) Рашкнинг[2] эр-хотин орасида мавжудлигига исбот бор. Рашк энг фозила аёллардан ҳам содир бўлиши мумкин.

Имом Табарий айтади:

«Рашк аёллар табиатида бўлгани учун рашк қилиш мумкин, лекин Аллоҳ ва Росули ҳаром қилган нарсаларга ўтиб кетмаслиги лозим».

5) Яхши кўрган кишингизнинг яхши кўрганларини ҳам яхши кўринг.

6) Айрим кишилар иккинчи хотинга уйлангандан кейин, аввалги хотинининг яхшиликларини эсдан чиқарадилар. Бу хато, албатта.

7) Аёл ўзининг юриш туриши ва чиройли муомалалари билан эрининг муҳаббатини қозониши лозим. Зеро, яхши хотин эрига ҳаёт қувончинитақдим этиб, гўзал муҳит яратиб беради. Яхши аёл оилани боғу бўстонга, ёмон аёл эса чўл-биёбонга айлантиради.

Аёллар билан мулойим муомала қилиб,

улар муҳаббатини қозонмоқ лозим

Оиша розиёллоҳу анҳодан: «Хабаш найзабоз ўйинчи болалар масжидга ўйин кўрсатиб кириб келишди. Росулуллоҳ саллолоҳу алайҳи ва саллам «Эй Ҳумайро[3]уларни томоша қилишни хоҳлайсизми дедилар. Мен: «Ҳа» дедим. Росулуллоҳ саллолоҳу алайҳи ва саллам эшик ёнида турдилар, мен эса ёнларига келдим-да иягимни муборак елкаларига қўйдим ва яноғимни яноқларига текказдим. Хабашлар ўйин кўрсатиб: «Абул қосим жуда яхшидир»,- дейишарди. Росулуллоҳ саллолоҳу алайҳи ва саллам «Етар энди» дедилар. Мен: «Ё Росулуллоҳ шошманг» дедим. Росулуллоҳ саллолоҳу алайҳи ва саллам бироз турдилар. Сўнг яна «Етар, энди» дедилар. Мен яна «Ё Росулуллоҳ, шошманг» дедим. Ҳабашларни томоша қилишни хоҳламас эдим, лекин мен аёлларга Росулуллоҳнинг мен учун турганликлари ва мени қадрлашлари аёлларга етиб боришини хоҳлардим.[4]

Ҳадисдан олинган сабоқлар

1) Бу ҳадисда аёларга мулойим муомала қилиб, улар муҳаббатини қозониш баён қилинган.

2) Ҳайит кунлари оилага ҳар хил бадан роҳатланадиган, Аллоҳ таъоло ҳалол қилган берган нарсаларга шароит яратиб бериш шариат руҳсат этган амаллардан эканлиги баён қилинади. Чунки ҳадисда зикр қилинган воқеа ҳайит кунида бўлган эди.

3) Ҳайит кунлари ҳурсандчиликни зоҳир қилиш- дин ибодатларидан саналади.

4) Росулуллоҳ саллолоҳу алайҳи ва салламнинг ўз аҳли аёлларига ва бошқаларга қилган яхшиликлари, чиройли хулқлари, меҳрибончиликларини ҳар-бир эркак ўзида мужассам қилиши лозимлиги баён қилинган.

5) Оиша розиёллоҳу анҳони Набий саллолоҳу алайҳи ва саллам қанчалик яхши кўришлари баён қилинган. Шунинг учун ҳам Росулуллоҳ саллолоҳу алайҳи ва салламдан «Одамлар орасида энг яхши кўрган кишингиз ким?»- деб сўраганларида «Оиша» деганлар.[5]

6) Ҳар кимни ўзи яхши кўрган исм билан чақириш ҳам лутфга киради. Росулуллоҳ саллолоҳу алайҳи ва саллам Оиша розиёллоҳу анҳони «Эй Ҳумайро», яъни «Оппоққина» деб чақиряптилар. Баъзан: «Эй Оишa, Жаброил сизга салом йўллаяпти»,[6] деб оҳирги ҳарфини тушириб айтганлар.